საქართველოს სახელმწიფო ელექტროსისტემა განცხადებას ავრცელებს და განმარტავს, თუ დროებით რატომ შეწყდა ქვეყანაში ელექტროენერგიის მიწოდება.
უწყება წერს, რომ დღეს, 14 ივნისს, 14:00 საათზე ავარიულად გამოირთო 500- კვ-იანი ელექტროგადამცემი ხაზი „იმერეთი” და ჰიდროელექტროსადგური „ენგურჰესი“, რის გამოც შეწყდა ელექტროენერგიის მიწოდება.
მათივე ინფორმაციით, ავარიის გამო საქართველოს მოსახლეობის უმეტეს ნაწილს ელექტროენერგიის მიწოდება შეეზღუდა.
„მიმდინარეობს ავარიის ლიკვიდაციის სამუშაოები“, – აცხადებენ სსე-ში.