ბაიდენის ადმინისტრაცია გეგმავს, რომ 100-მდე ქვეყანას მომდევნო ორი წლის განმავლობაში კორონავირუსის საწინააღმდეგო “ფაიზერის” ვაქცინის 500 მილიონი დოზა გადასცეს.
ინფორმაციას ამის შესახებ გამოცემა Reuters სამ სხვადასხვა წყაროზე დაყრდნობით ავრცელებს.
Reuters-ის თანახმად, ვაშინგტონი ვაქცინების 200 მილიონ დოზას ამავე წელს გადასცემს შერჩეულ ქვეყნებს, ხოლო მომდევნო 300 მილიონ დოზას – 2022 წლის განმავლობაში.
“ვაქცინები გადაეცემა დაბალი შემოსავლების მქონე 92 ქვეყანასა და აფრიკულ კავშირს”, – აცხადებენ წყაროები.
Reuters-ის წყაროების თანახმად, ვაქცინების გადაცემა მოხდება COVAX პლატფორმის მეშვეობით. გამოცემის თანახმად, პრეზიდენტი ჯო ბაიდენი აღნიშნულის შესახებ დამატებით G7-ს სამიტზე განაცხადებს.
