ნეტგაზეთი | ვაჟა-ფშაველასა და სახელმწიფო უნივერსიტეტის მეტროსადგურები დროებით დაიკეტა ვაჟა-ფშაველასა და სახელმწიფო უნივერსიტეტის მეტროსადგურები დროებით დაიკეტა – Netgazeti
RU | GE  

ვაჟა-ფშაველასა და სახელმწიფო უნივერსიტეტის მეტროსადგურები დროებით დაიკეტა

თბილისის სატრანსპორტო კომპანიის ცნობით, მეტროსადგურები „ვაჟა-ფშაველა“ და „სახელმწიფო უნივერსიტეტი“ მგზავრებისთვის დროებით დაიკეტა.

უწყება განმარტავს, რომ ტექნიკური ხარვეზების გამო ეს ორი სადგური ჯერჯერობით ვერ მოემსახურება მგზავრებს.

„საბურთალოს ხაზზე მატარებლების მოძრაობა ხორციელდება ზონალურად, მეტროსადგურ „სადგურის მოედნიდან“ „დელისამდე“ და პირიქით. თბილისის მეტროს პირველი ხაზი მგზავრებს შეუფერხებლად ემსახურება.


ადგილზე ტექნიკური ჯგუფი მუშაობს, რომელიც აღნიშნულ პრობლემას დროულად აღმოფხვრის. თბილისის სატრანსპორტო კომპანია ბოდიშს გიხდით შექმნილი დისკომფორტისთვის“, – წერია სატრანსპორტო კომპანიის განცხადებაში.
ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან