ნეტგაზეთი | ნიკა მელია სააკაშვილთან შესახვედრად კიევში გაემგზავრა ნიკა მელია სააკაშვილთან შესახვედრად კიევში გაემგზავრა – Netgazeti
RU | GE  

ნიკა მელია სააკაშვილთან შესახვედრად კიევში გაემგზავრა

ერთიანი ნაციონალური მოძრაობის თავმჯდომარე, ნიკა მელია თანაპარტიელებთან ერთად მიხეილ სააკაშვილთან შესახვედრად კიევში გაფრინდა. უკრაინაში მასთან ერთად გაემგზავრნენ კობა ნაყოფია, პეტრე ცისკარიშვილი, ეკა ხერხეულიძე, კახა ოქრიაშვილი და აკაკი მინაშვილი.

ინფორმაციას ადასტურებენ პარტიაში. თავდაპირველი ცნობა მელიას გამგზავრების შესახებ ფორმულამ გაავრცელა.

ნიკა მელიამ გაფრენის წინ დროებას უთხრა, რომ ექსპრეზიდენტთან საქართველოში მიმდინარე პოლიტიკურ პროცესებზე ისაუბრებს.

“ორ წელიწადნახევარია, კაცი არ მინახავს და არც მას ვუნახივარ, ძალიან ბევრი რამ არის დამოკიდებული ჩემსა და მას შორის ურთიერთობაზე. დარწმუნებული ვარ, რომ იქნება ურთიერთგაგება, იქნება ერთიანი სტრატეგია, ხედვა და ვაპირებთ საუბარს მე ჩემს ხედვას გავაცნობ, ის – თავისას”. – უთხრა მელიამ დროებას.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის 01 ოქტომბრიდან მობ: +995 574131276; ელ-ფოსტა: zmenaghare@gmail.com