ნეტგაზეთი | სესიაშვილი დეპუტატის მანდატს ტოვებს და ღარიბაშვილის მრჩევლად ინიშნება სესიაშვილი დეპუტატის მანდატს ტოვებს და ღარიბაშვილის მრჩევლად ინიშნება – Netgazeti
RU | GE  

სესიაშვილი დეპუტატის მანდატს ტოვებს და ღარიბაშვილის მრჩევლად ინიშნება

ირაკლი სესიაშვილი პრემიერ-მინისტრის მრჩევლად დაინიშნა თავდაცვისა და უსაფრთხოების საკითხებში. ინფორმაციას ამის შესახებ საქართველოს მთავრობა ავრცელებს. მათივე ცნობით, ახლად დანიშნულ მრჩეველთან ირაკლი ღარიბაშვილმა მთავრობის ადმინისტრაციაში დღეს, 13 მაისს, სამუშაო შეხვედრა გამართა.

სესიაშვილი მე-10 მოწვევის პარლამენტის წევრია “ქართული ოცნებიდან”. 2012-2020 წლებში იგი იყო მე-8 და მე-9 მოწვევის პარლამენტის თავდაცვისა და უშიშროების კომიტეტის თავმჯდომარე.

პარლამენტის პრესსამსახურში აცხადებენ, რომ სესიაშვილი საპარლამენტო მანდატს ტოვებს და მას პარლამენტში “ქართული ოცნების” სიის მიხედვით, გელა სამხარაული ჩაანაცვლებს.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.