ნეტგაზეთი | ცხინვალში 9 მაისის აღსანიშნავად სამხედრო აღლუმი ჩატარდება ცხინვალში 9 მაისის აღსანიშნავად სამხედრო აღლუმი ჩატარდება – Netgazeti
RU | GE  

ცხინვალში 9 მაისის აღსანიშნავად სამხედრო აღლუმი ჩატარდება

მეორე მსოფლიო ომში ნაცისტურ გერმანიაზე საბჭოთა კავშირის გამარჯვების დღეს, 9 მაისს ცხინვალში სამხედრო აღლუმით აღნიშნავენ.

გარდა “გამარჯვების აღლუმისა”, ღონისძიებები გაიმართება სკოლებსა და ბიბლიოთეკებში. ასევე ჩატარდება კონცერტებიც.

დე ფაქტო რესპუბლიკის სამთავრობო საინფორმაციო სააგენტოს, “RES-ის” თანახმად, იმ ვეტერანებისთვის, რომლებიც ჯანმრთელობის პრობლემების გამო ვერ მოახერხებენ დაესწრონ 9 მაისის ღონისძიებას, ჩატარდება პერსონალური მარშები.

აღლუმის გენერალური რეპეტიცია დღეს, 7 მაისს გაიმართება.

“RES-ის” მიხედვით, მეორე მსოფლიო ომში სამხრეთ ოსეთის ავტონომიური ოლქის ტერიტორიიდან მონაწილეობა 23 ათასზე მეტმა ადამიანმა მიიღო, მათგან 11 ათასზე მეტი დაიღუპა, ხოლო დაახლოებით 7000 დაიკარგა.

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის 01 ოქტომბრიდან მობ: +995 574131276; ელ-ფოსტა: zmenaghare@gmail.com