ნეტგაზეთი | “ვაქცინაციის ოფიცრები” მოქალაქეებს რეგისტრაციაში დაეხმარებიან — ტიკარაძე “ვაქცინაციის ოფიცრები” მოქალაქეებს რეგისტრაციაში დაეხმარებიან — ტიკარაძე – Netgazeti
RU | GE  

“ვაქცინაციის ოფიცრები” მოქალაქეებს რეგისტრაციაში დაეხმარებიან — ტიკარაძე

ჯანდაცვის მინისტრ ეკატერინე ტიკარაძის თქმით, ვაქცინაციაზე უკეთესი ხელმისაწვდომობისთვის სამინისტრო ზრდის კოვიდვაქცინაციის პუნქტების რაოდენობას და ვაქცინაციის მხარდამჭერ პროცესებში უახლოეს მომავალში ახალგაზრდები ჩაერთვებიან.

„ვაქცინაციაზე უკეთესი ხელმისაწვდომობისთვის ჩვენ ეტაპობრივად ვზრდით კოვიდ ვაქცინაციის პუნქტების რაოდენობას, სადაც პროცესი უსაფრთხოების უმაღლესი ზომების დაცვით წარიმართება. ასევე, ჩვენ გვაქვს მნიშვნელოვანი სიახლე. სულ მალე ჩვენი ახალგაზრდები ვაქცინაციის ოფიცრების სტატუსით ჩაერთვებიან ვაქცინაციის მხარდამჭერ პროცესში”, – განაცხადა ტიკარაძემ.

მისი თქმით, “ვაქცინაციის ოფიცრები” მოსახლეობას მიაწვდიან სრულ ინფორმაციას ვაქცინაციის შესახებ და ყველა მსურველს დაეხმარებიან ვაქცინაციის პორტალზე რეგისტრაციაში.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.