ნეტგაზეთი | ავღანეთს სექტემბრამდე ქართული ძალებიც დატოვებენ – ირაკლი ღარიბაშვილი ავღანეთს სექტემბრამდე ქართული ძალებიც დატოვებენ – ირაკლი ღარიბაშვილი – Netgazeti
RU | GE  

ავღანეთს სექტემბრამდე ქართული ძალებიც დატოვებენ – ირაკლი ღარიბაშვილი

საქართველოს პრემიერ-მინისტრის, ირაკლი ღარიბაშვილის განცხადებით, ავღანეთის ისლამურ რესპუბლიკას, ამერიკელ სამხედროებთან ერთად, ქართული ქვედანაყოფებიც დატოვებენ.

“დღეს ნატომ მიიღო გადაწყვეტილება, ავღანეთის მისიის ეტაპობრივად, მიმდინარე წლის სექტემბრამდე დასრულების შესახებ. შესაბამისად, ნატოსთან შეთანხმებული გრაფიკით, ავღანეთს დატოვებენ ქართული ქვედანაყოფებიც. ჩვენ ინტენსიური კონსულტაციები გვაქვს ჩვენს სტრატეგიულ პარტნიორთან – აშშ-თან. ავღანეთიდან ქართული კონტიგენტის გამოსვლა მათთან კოორდინაციით მოხდება”, – ნათქვამია ღარიბაშვილის მიერ გავრცელებულ განცხადებაში.

პრემიერ-მინისტრმა საკუთარ განცხადებაში ავღანეთის მისიაში მონაწილე ქართველ ჯარისკაცებს მადლობა გადაუხადა. ასევე მწუხარება გამოთქვა წარსულში ქართველი სამხედროების გარდაცვალების ფაქტზეც.

ვაშინგტონის გადაწყვეტილებით, ამერიკული ჯარები ავღანეთს 11 სექტემბერს, ტრაგედიის 20 წლისთავზე დატოვებენ.


ავღანეთის ისლამური რესპუბლიკის ნაწილს გაეროს მიერ აღიარებული მთავრობა აკონტროლებს, ნაწილი კი ძველი რეჟიმის – თალიბანის კონტროლქვეშაა.

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის 01 ოქტომბრიდან მობ: +995 574131276; ელ-ფოსტა: zmenaghare@gmail.com