ზუგდიდში ქალს მატარებელი დაეჯახა. როგორც ნეტგაზეთს 112-ში განუცხადეს, დაშავებული ზუგდიდის მრავალპროფილიან კლინიკაშია გადაყვანილი.
“გადაყვანისას იგი შოკის მდგომარეობაში იმყოფებოდა”, — უთხრეს ნეტგაზეთს.
როგორც ადგილობრივი გამოცემა “ლაივპრესი” თვითმხილველებზე დაყრდნობით წერს, დაშავებულს ფეხი ჰქონდა მოწყვეტილი.
შსს-ს მიხედვით, ფაქტზე გამოძიება დაწყებულია სისხლის სამართლის კოდექსის 275-ე მუხლის მე-2 ნაწილით – რაც რკინიგზის ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის დაზიანება გამოიწვია.
