ნეტგაზეთი | სუეცის არხი საბოლოოდ გაიხსნა სუეცის არხი საბოლოოდ გაიხსნა – Netgazeti
RU | GE  

სუეცის არხი საბოლოოდ გაიხსნა

თითქმის ერთკვირიანი ბლოკადის შემდეგ სუეცის არხში მოძრაობა აღდგა.

არხში გაჩხერილი კონტეინერ-მზიდი გემი, რომელიც წყალქვეშა ქვიშის გორაკზე იყო შემდგარი, გუშინ გათავისუფლდა.

ასობით გემი, რომლებიც არხის ორივე მხარეს საკუთარ რიგს ელოდებიან, გადაადგილებას უმოკლეს ხანებში შეძლებენ.

BBC-ის ცნობით, სუეცის ეგვიპტური ადმინისტრაციის განცხადებით, საერთაშორისო გადაზიდვების ძველებურად აღდგენას არხის გავლით დაახლოებით სამი დღე დასჭირდება, თუმცა, ექსპერტთა ნაწილის აზრით, ამ შეფერხების სრულიად აღმოფხვრას კვირები და შესაძლოა თვეებიც კი დასჭირდეს.

ქვიშის გორაკზე შემდგარი გემის გათავისუფლება მაღალი მოქცევის შემდეგ გახდა შესაძლებელი.

ფოტო გარეკანზე: Reuters

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის 01 ოქტომბრიდან მობ: +995 574131276; ელ-ფოსტა: zmenaghare@gmail.com