ნეტგაზეთი | ბარათაშვილზე ავტოავარიის შედეგად “მუხრანის კარის” იმიტაცია დაზიანდა ბარათაშვილზე ავტოავარიის შედეგად “მუხრანის კარის” იმიტაცია დაზიანდა – Netgazeti
RU | GE  

ბარათაშვილზე ავტოავარიის შედეგად “მუხრანის კარის” იმიტაცია დაზიანდა

თბილისში, ბარათაშვილის ქუჩაზე, ავტოავარიის შედეგად დაზიანდა ნაგებობა, რომელიც ძველი თბილისის გალავნის ერთ-ერთი კარის იმიტაციას წარმოადგენს.

როგორც “ნეტგაზეთს” თბილისის მერიაში განუცხადეს, შემთხვევა დაახლოებით 2 კვირის წინ მოხდა. ნაგებობას მსუბუქი ავტომობილი შეეჯახა, რის შედეგადაც ის ნაწილობრივ ჩამოინგრა.

უწყებაში ამბობენ, რომ პროცესს დრო სჭირდება და კედელი “ყველა წესის დაცვით” აღდგება.

ხსენებული იმიტაცია საბჭოთა კავშირის პერიოდში ააშენეს. ის განასახიერებს ე.წ. მუხრანის კარს, რომელიც საუკუნეების წინ თბილისის გალავნის ნაწილი იყო და დღევანდელი ბარათაშვილისა და ჩახრუხაძის ქუჩების გადაკვეთაზე მდებარეობდა.

ფოტოები: ბესიკ ადანაია

ნეტგაზეთის მასალების სხვა გამოცემებში გადაბეჭდვის წესი
ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან