ნეტგაზეთი | ლაილაში-ღუს გზაზე მეწყერი ჩამოწვა, 10 ოჯახი გარესამყაროს მოწყვეტილია ლაილაში-ღუს გზაზე მეწყერი ჩამოწვა, 10 ოჯახი გარესამყაროს მოწყვეტილია – Netgazeti
RU | GE  

ლაილაში-ღუს გზაზე მეწყერი ჩამოწვა, 10 ოჯახი გარესამყაროს მოწყვეტილია

ცაგერის მუნიციპალიტეტში, ლაილაში-ღუს დამაკავშირებელ საავტომობილო გზაზე მეწყერი ჩამოწვა და სოფელ ღუში მცხოვრები 10 ოჯახი გარესამყაროს მოსწყდა.

გარემოს ეროვნული სააგენტოს ცნობით, მეტეოროლოგიური პირობების გაუარესებამ და ხანგრძლივმა წვიმამ აღნიშნულ ტერიტორიაზე მასშტაბური მეწყრული პროცესების პროვოცირება მოახდინა. ადგილზე იმყოფება გეოლოგების ჯგუფი, რომლის კვლევის თანახმადაც, ადგილი აქვს ძველი მასშტაბური მეწყრის გააქტიურებას.

სააგენტოს თანახმად, მეწყრის მასშტაბურობიდან და რთული მეტეოროლოგიური პირობებიდან გამომდინარე ამ ეტაპზე გზის აღდგენა ვერ ხერხდება და მიმდინარეობს სოფლის დამაკავშირებელი ალტერნატიული გზის დერეფნის შერჩევა, რაშიც აქტიურად არის ჩართული გარემოს ეროვნული სააგენტოს გეოლოგების ჯგუფი.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.