რაგბიში ევროპის ჩემპიონატის მეორე ტურში, საქართველოს ნაკრებმა ესპანეთი მადრიდის უნივერსიტეტის სტადიონზე, ანგარიშით 25-19 დაამარცხა.
შედეგად, ორი ტურის შემდეგ ბორჯღალოსნები სატურნირო ცხრილს 9 ქულით ლიდერობენ.
შემდეგ მატჩში, რომელიც 20 მარტს კალინინგრადში გაიმართება, საქართველოს ნაკრები რუსეთს შეხვდება.
რაგბის ფედერაციის ინფორმაციით, ეს ასევე გახლავთ 2023 წლის რაგბის მსოფლიო თასის შესარჩევი ციკლი.