ნეტგაზეთი | ნაციონალურმა მოძრაობამ ენგურის ხიდის გახსნის მოთხოვნით აქცია გამართა ნაციონალურმა მოძრაობამ ენგურის ხიდის გახსნის მოთხოვნით აქცია გამართა – Netgazeti
RU | GE  

ნაციონალურმა მოძრაობამ ენგურის ხიდის გახსნის მოთხოვნით აქცია გამართა

პარტია ნაციონალურმა მოძრაობამ ენგურის ხიდის გახსნის მოთხოვნით, ხიდის მიმდებარე ტერიტორიაზე საპროტესტო აქცია გამართა.

აქციის მონაწილეების თქმით, ხიდი ერთ წელზე მეტია, რაც ჩაკეტილია. ისინი საქართველოს ხელისუფლებას მოუწოდებენ უფრო ქმედითი ნაბიჯების გადადგმისკენ.

“ერთი წელია ეს ხიდი ჩაკეტილია და ჩვენი 10 ათასობით მოქალაქე სრულ იზოლაციაშია. ჩვენ ვიცით, თუ რამდენად მნიშვნელოვანი იყო გალის მოსახლეობისთვის აქ გადაადგილება. გვახსოვს 11 თებერვალს გამოაცხადეს, რომ ხიდი გაიხსნებოდა, აღდგებოდა მიმოსვლა, მაგრამ ეს არის ფარსი. დღევანდელი აქციის მიზანი არის, რომ ერთი მხრივ, სოლიდარობა გამოვუცხადოთ ჩვენს თანამემამულეებს და მეორე მხრივ, მოვუწოდებთ ხელისუფლებას, სანამ ჯერ კიდევ ხელისუფლებაში ხართ, მიხედეთ ამ გაჭირვებულ ხალხს და გადადგით რეალური ნაბიჯები”, – საინფორმაციო საშუალება “ოდიშინიუსთან” საუბრისას განაცხადა აქციის ერთ-ერთმა მონაწილემ, მანუჩარ ახალაიამ.

ფორო გარეკანზე: “ოდიშინიუსი”


11 თებერვალს საქართველოს შერიგებისა და სამოქალაქო თანასწორობის სახელმწიფო მინისტრმა თეა ახვლედიანმა განაცხადა, რომ გაიხსნა ენგურის ხიდის გადასასვლელი.

“დაახლოებით ერთწლიანი შემზღუდავი რეჟიმის შემდეგ, დღეიდან გაიხსნა ე.წ. გადასასვლელი ენგურის ხიდზე, რაც საშუალებას მისცემს ოკუპირებული აფხაზეთის რეგიონის მოსახლეობას, თავდაპირველად გარკვეულ კატეგორიებს, გადმოვიდნენ საქართველოს ცენტრალური ხელისუფლების მიერ კონტროლირებად ტერიტორიაზე”, – აცხადებდა მაშინ თეა ახვლედიანმა.

მოგვიანებით ნეტგაზეთმა გაარკვია, მოსახლეობის თუ რა კატეგორიებზე იყო საუბარი. სამინისტროს განცხადებით, “პირველ ეტაპზე უპირატესობა მიენიჭებოდათ შეჭირვებულებს, მრავალშვილიან ოჯახებსა და შეზღუდული შესაძლებლობის მქონე პირებსა და პენსიონერებს”.

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის 01 ოქტომბრიდან მობ: +995 574131276; ელ-ფოსტა: zmenaghare@gmail.com