ნეტგაზეთი | “ღარიბაშვილი უნდა გადადგეს” – უდუმაშვილი გავრცელებულ ჩანაწერზე “ღარიბაშვილი უნდა გადადგეს” – უდუმაშვილი გავრცელებულ ჩანაწერზე – Netgazeti
Batumelebi | RU

“ღარიბაშვილი უნდა გადადგეს” – უდუმაშვილი გავრცელებულ ჩანაწერზე

“ნაციონალური მოძრაობის” წევრის ზაალ უდუმაშვილის განცხადებით, ირაკლი ღარიბაშვილი უნდა გადადგეს.

“როდესაც პრემიერ-მინისტრი მხილებულია ისეთ დანაშაულში, რომელიც ჩვენ მოვისმინეთ, და თვითონ ქართულ ოცნებაშიც ადასტურებენ, რომ ეს ავთენტური ჩანაწერია, როდესაც ასეთი რამე ვრცელდება, პირველი რაც უნდა გააკეთოს იწყების ხელმძღვანელმა, უნდა დატოვოს თანამდებობდა”, – განაცხადა უდუმაშვილმა.


“ტვ პირველმა” გაავრცელა აუდიოჩანაწერები რომლებშიც, ტელეარხის ინფორმაციით, ამჟამინდელი პრემიერ-მინისტრი ირაკლი ღარიბაშვილი, ბიძინა ივანიშვილის ვაჟი ბერა ივანიშვილი და სახელმწიფო დაცვის სპეციალური სამსახურის უფროსი ანზორ ჩუბინიძე ერთმანეთთან ათანხმებენ, როგორ უნდა დაისაჯონ სოციალურ ქსელებში ბერა ივანიშვილის მისამართით დაწერილი უარყოფითი კომენტარების ავტორები.

მასალები გავიდა გადაცემაში “ნოდარ მელაძის შაბათი”. მელაძე ამბობს, რომ გადაცემის გუნდმა არ იცის ჩანაწერების შექმნის თარიღი და არც ის, თუ რა ვითარებაში ჩაწერეს ისინი, ვინაიდან წყაროს, რომელმაც მასალები ტელეარხს მიაწოდა, ეს დეტალები არ დაუკონკრეტებია. ტელეარხის ჟურნალისტების თქმით, ჯამში, მათ ხელში აღმოჩნდა 4 აუდიოფაილი, რომლებითაც “სსკ-ის რამდენიმე მუხლის დარღვევა დგინდება”. თავად აუდიოფაილების შინაარსიდან გამომდინარე, “ტვ პირველი” ვრაუდობს, რომ ჩანაწერები 2016 წლის მოვლენებს ასახავს.

აღნიშნული ჩანაწერების ავთენტურობა დადგენილი არ არის და ეთერში გასვლის შემდეგ მის შესახებ ჯერ არ უსაუბრიათ იმ პირებს, რომლებიც, სავარაუდოდ, საუბრის უშუალო მონაწილეები არიან.

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის ოქტომბრიდან. ელ-ფოსტა: zmenaghare@gmail.com