ნეტგაზეთი | სუს-ის უფროსის მოადგილემ, ხოჯევანიშვილმა პოსტი დატოვა სუს-ის უფროსის მოადგილემ, ხოჯევანიშვილმა პოსტი დატოვა – Netgazeti
RU | GE  

სუს-ის უფროსის მოადგილემ, ხოჯევანიშვილმა პოსტი დატოვა

სახელმწიფო უსაფრთხოების სამსახურის უფროსის მოადგილემ, ალექსანდრე ხოჯევანიშვილმა თანამდებობა დატოვა.

„ნეტგაზეთს“ უწყების პრესცენტრში უთხრეს, რომ ხოჯევანიშვილმა პოსტი პირადი განცხადების საფუძველზე დატოვა 2 მარტს.

სუს-ის ხელმძღვანელის მოადგილის პოსტზე 2019 წელს დაინიშნა. მანამდე შინაგან საქმეთა სამინისტროს გენერალური ინსპექციის უფროსის თანამდებობას იკავებდა.

ალექსანდრე ხოჯევანიშვილი არის პარლამენტარი გიორგი ხოჯევანიშვილის ძმა. ორივე მათგანი მედიაში ექს-პრემიერის, გიორგი გახარიას ახლო გარემოცვის წევრებად მოიაზრებოდნენ.

გიორგი გახარიამ პრემიერ-მინისტრის პოსტი 18 თებერვალს დატოვა და საფუძვლად სამთავრობო გუნდთან შეუთანხმებლობა დაასახელა ოპოზიციური პარტია „ერთიანი ნაციონალური მოძრაობის“ ახალი ლიდერის, ნიკა მელის დაკავების საკითხზე.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com