ანტისამთავრობო საპროტესტო აქციების მონაწილე აქტივისტები მოძრაობიდან “საქართველოსთვის” ხელისუფლებას 2-კვირიან ვადას აძლევენ 3 მოთხოვნის დასაკმაყოფილებლად. წინააღმდეგ შემთხვევაში აქტივისტები აცხადებენ, რომ რუსთაველის გამზირი (სამანქანო გზა) კარვებით გადაიკეტება.
როგორც მოძრაობის ერთ-ერთმა ლიდერმა ალიკა კუპრავამ განაცხადა, მოთხოვნები, რომელიც ხელისუფლებამ უნდა დააკმაყოფილოს 2 კვირის ვადაში, არის შემდეგი:
- ვადამდელი საპარლამენტო არჩევნები (ახალი ცესკო)
- პოლიტიკური დევნის შეწყვეტა
- პოლიტპატიმრების გათავსიუფლება
ალიკა კუპრავას განცხადებით, ხელისუფლებამ ნიკა მელიას დაკავებით წითელი ხაზები გადაკვეთა.
“საქართველო არასდროს გახდება რუსეთი, ხელისუფლება მიზანმიმართულ პროვოკაციებს აწყობს”, – განაცხადა კუპრავამ.
ამჟამად პარლამენტის წინ, ტროტურაზე არაერთი კარავია გაშლილი. გზის სავალ ნაწილზე აქტივისტებმა კარავი დღის განმავლობაში დადგეს, თუმცა მალევე აიღეს.