ნეტგაზეთი | სამხედროები არ უნდა ჩაერიონ პოლიტიკურ პროცესებში | ტოივო კლაარი სომხეთის კრიზისზე სამხედროები არ უნდა ჩაერიონ პოლიტიკურ პროცესებში | ტოივო კლაარი სომხეთის კრიზისზე – Netgazeti
RU | GE  

სამხედროები არ უნდა ჩაერიონ პოლიტიკურ პროცესებში | ტოივო კლაარი სომხეთის კრიზისზე

სამხრეთ კავკასიაში და საქართველოში კრიზისის საკითხებში ევროკავშირის სპეციალური წარმომადგენლის, ტოივო კლაარის განცხადებით, სომხეთში სამხედროები არ უნდა ჩაერიონ პოლიტიკურ პროცესებში.

“განსაკუთრებით შეშფობული ვარ მოვლენათა განვითარებით ერევანში. მნიშვნელოვანია, რომ არ იყოს ძალადობა. მაშინ, როდესაც სახეზეა საშინაო გამოწვევები, რომლებიც აუცილებლად უნდა გადაიჭრას, არც სამხედროები და არც ნებისმიერი სხვა ძალოვანი სტრუქტურა არ უნდა ჩაერიოს პოლიტიკურ პროცესებში”, – ნათქვამია ტოივო კლაარის Twitter-ით მიერ გავრცელებულ განცხადებაში.


დღეს, 25 თებერვალს, გავრცელდა სომხეთის არმიის გენერალური შტაბის განცხადება, სადაც ისინი ნიკოლ ფაშინიანის გადადგომას მოითხოვენ.

სამხედროების განცხადებას წინ უძღოდა ნიკოლ ფაშინიანის მიერ გენერალური შტაბის ხელმძღვანელის პირველი მოადგილის, ტირან ხაჩატრიანის გადაყენება, რომელმაც, როგორც სომხური მედია იუწყება, “სასაცილოდ აიგდო ნიკოლ ფაშინიანის განცხადება რუსული სარაკეტო კომპლექსის – ისკანდერის შესახებ”. [ფორმალურად ნიკოლ ფაშინიანმა ხაჩატრიანის გადაყენების შუამდგომლობით პრეზიდენტს, არმენ სარქისიანს მიმართა, რომელმაც ამ უკანასკნელის გადაყენების გადაწყვეტილებას ხელი მოაწერა.]

ნიკოლ ფაშინიანმა რამდენიმე დღის წინ განაცხადა, რომ რუსული სარაკეტო სისტემა ბრძოლისუუნარო აღმოჩნდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის 01 ოქტომბრიდან მობ: +995 574131276; ელ-ფოსტა: zmenaghare@gmail.com