საკუთარი ავტომობილის საჭესთან სიგარეტის მოწევა [მათ შორის ელექტრო] სომხეთში კანონდარღვევად გამოცხადდა. შესაბამისი ცვლილება ადმინისტრაციულ სამართალდარღვევათა კოდექსში ქვეყნის პარლამენტმა მეორე და საბოლოო მოსმენით დღეს, 20 იანვარს 82 ხმით 3-ის წინააღმდეგ მიიღო.
კანონდარღვევა ითვალისწინებს 0.5 საჯარიმო ქულის [წელიწადში მძღოლს სულ 9 ქულა ენიჭება] დაკლებას, ასევე – ჯარიმას 7000 ათასი დრამის [დაახლოებით, 45 ლარი] ოდენობით.
აქამდე სომხეთში მოწევა მხოლოდ საზოგადოებრივი ტრანსპორტის მძღოლებს ეკრძალებოდათ.
გარდა ამისა, ახალი რეგულაციების შესაბამისად, კანონდარღვევად განისაზღვრა გარე განათებისა და ხმოვანი სიგნალების გამოყენების წესის დარღვევა, რაც ერთი წლით მართვის მოწმობის ჩამორთმევას ითვალისწინებს.