ახალი ამბები | რეკლამა | ,

შემოსავლების სამსახურის თანამშრომლებმა 489 კოლოფი უაქციზო თამბაქო გამოავლინეს

16 დეკემბერი, 2020 | | 527
შემოსავლების სამსახურის თანამშრომლებმა 489 კოლოფი უაქციზო თამბაქო გამოავლინეს

   16 დეკემბერს, ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის მონიტორინგის სამმართველოს დასავლეთის განყოფილების თანამშრომლების მიერ, წალენჯიხის რაიონის დაბა ჯვარში, განხორციელებული ღონისძიებების შედეგად, 489 კოლოფი, უაქციზო თამბაქოს ნაწარმის ტრანსპორტირების ფაქტი გამოვლინდა.

საქართველოს საგადასახადო კოდექსის 192- მუხლის მე-5 ნაწილის შესაბამისად, კანონდამრღვევ მოქალაქეს უაქციზო საქონელი ჩამოერთვა. აღნიშნულ ფაქტზე,  სისხლის სამართლის კოდექსით გათვალისწინებული შესაძლო დანაშაულის ნიშნების არსებობის გამო, საქართველოს საგადასახადო კოდექსის 271- მუხლის მე-7 ნაწილის შესაბამისად, საქმის მასალები  საქართველოს ფინანსთა სამინისტროს საგამოძიებო სამსახურს გადაეგზავნა.

მასალების გადაბეჭდვის წესი