ნეტგაზეთი | სტამბოლში ქართული საკვირაო სკოლა გაიხსნა სტამბოლში ქართული საკვირაო სკოლა გაიხსნა – Netgazeti
RU | GE  

სტამბოლში ქართული საკვირაო სკოლა გაიხსნა

სტამბოლში ქართული საკვირაო სკოლა გაიხსნა. ცერემონიაში, რომელიც 22 ნოემბერს გაიმართა, მონაწილეობა მიიღეს საქართველოს ელჩმა თურქეთში, ასევე, გენერალურმა კონსულმა სტამბოლში და ქართული სამრევლოს წინამძღვარმა.

საელჩოს ინფორმაციით, მოსწავლეებს “საკვირაო სკოლების მხარდამჭერი პროგრამის” ფარგლებში შეძენილი სახელმძღვანელოები გადასცეს. მანამდე, შეიძინეს სკოლის ფუნქციონირებისთვის საჭირო ინვენტარიც.

უწყების თანახმად, სკოლის გახსნის შემდეგ ქართულ სამრევლო ტაძარში გაიმართა ლიტურგია, რომელსაც საელჩოსა და დიასპორის წარმომადგენლებთან ერთად ესწრებოდა მსოფლიო საპატრიარქოს გენერალური მდივანი, არქიმანდრიტი იოაკიმე ბილისი.

ნეტგაზეთის მასალების სხვა გამოცემებში გადაბეჭდვის წესი
ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან