სომხეთ-აზერბაიჯანის საზღვრის ტერიტორიაზე რუსული ვერტმფრენის “შეცდომით” ჩამოგდების გამო, აზერბაიჯანი რუსეთს ბოდიშს უხდის. ინფორმაციას აზერბაიჯანული მედია ავრცელებს ქვეყნის თავდაცვის უწყებაზე დაყდნობით.

აზერბაიჯანული მხარის ცნობით, სომხეთ-აზერბაიჯანს შორის მიმდინარე საბრძოლო მოქმედებების კონტექსტისა და ამავე დროს, საღამოს საათებში, გართულებული ხილვადობის გათვალისწინებით, ვერტმფრენის წარმომავლობის გარჩევა ვერ შეძლეს და ცეცხლის გახსნის გადაწყვეტილება მიიღეს.

“აღნიშნულ ტრაგიკულ ინციდენტთან დაკავშირებით, რომელიც არ ყოფილა რუსული მხარის წინააღმდეგ გამიზნული, აზერბაიჯანული მხარე რუსულ მხარეს ბოდიშს უხდის და მწუხარებას გამოთქვამს ეკიპაჟის დაღუპულ წევრთა ოჯახების მიმართ”.

ამასთან, აზერბაიჯანული მხარე აცხადებს, რომ მზადაა შესაბამისი კომპენსაცია გადაიხადოს.