ნეტგაზეთი | 30 ოქტომბრიდან საფრანგეთში კვლავ საყოველთაო კარანტინის რეჟიმი ამოქმედდება 30 ოქტომბრიდან საფრანგეთში კვლავ საყოველთაო კარანტინის რეჟიმი ამოქმედდება – Netgazeti
RU | GE  

30 ოქტომბრიდან საფრანგეთში კვლავ საყოველთაო კარანტინის რეჟიმი ამოქმედდება

კორონავირუსის შემთხვევების მატების გამო, საფრანგეთში კვლავ საყოველთაო კარანტინი გამოცხადდა. ამის შესახებ  საფრანგეთის პრეზიდენტმა ემანუელ მაკრონმა ოთხშაბათს, 28 ოქტომბერს, სატელევიზიო გამოსვლაში განაცხადა.

ახალი რეგულაციები ძალაში პარასკევიდან, 30 ოქტომბრიდან შევა  და პირველ დეკემბრამდე იმოქმედებს. ახალი შეზღუდვებით საფრანგეთის  რეგიონებს შორის გადაადგილება  იკრძალება და მოქალაქეებს გადაადგილება მხოლოდ სპეციალური სერტიფიკატით შეეძლებათ. ასევე დაიხურება არასასიცოცხლო მნიშვნელობის ბიზნესი, მათ შორის, ბარები და რესტორნებიც.

თუმცა სკოლები და ბაღები კვლავ ღია იქნება.

როგორც ემანუელ მაკრონმა განაცხადა, უკვე გატარებული ზომები არასაკმარისია და  ვირუსის გავრცელების ასეთ სიჩქარეს ვერც კი წარმოიდგენდნენ. მისი თქმით, ვირუსის მეორე ტალღა პირველზე უფრო მძიმე და მომაკვდინებელი იქნება. მისივე თქმით, დღეს ყველა რეგიონი მაღალი რისკის ზღვარზე დგას.

“ეს ტალღა ბევრად უფრო დამანგრეველი იქნება ჰოსპიტალური სისტემისთვის. საავადმყოფოები გამკლავებას ვეღარ მოახერხებენ, თუ მკაცრ ზომებს არ მივიღებთ ”, — განაცხადა მაკრონმა.

 

ნეტგაზეთის მასალების სხვა გამოცემებში გადაბეჭდვის წესი
ავტორი