მოძრაობა “დატოვე პარლამენტი ქუთაისში” ადგილობრივ ამომრჩეველს მოუწოდებს, მხარი იმ პოლიტიკურ ძალებს დაუჭირონ, ვინც პარლამენტის ქუთაისში დაბრუნებას დაუჭერს მხარს. დღეს ქალაქში შესაბამისი შინაარსის პლაკატებიც გამოჩნდა.
“ჩვენ ვერ შევეგუებით ქუთაისის ძარცვას ! “- ასეთი შინაარსის პოსტერები გამოჩნდა ყოფილი საპარლამენტო ქალაქის ქუჩებში.
“პოსტერებზე ჩამოთვლილია პარლამენტი და ყველა ის საჯარო დაწესებულებები- სემეკი, კონტროლის პალატა, საავტომობილო გზების დეპარტამენტი -რომლებიც “ქართულმა ოცნებამ” ხელისუფლებაში მოსვლისთანავე ქუთაისს წაართვა. მოძრაობა “დატოვე პარლამენტი ქუთაისში” არჩევნებამდე კიდევ ერთხელ მოუწოდებს ქუთაისელებს, მხარი დაუჭირონ მხოლოდ იმ პოლიტიკურ ძალებს, რომლებმაც ქუთაისში პარლამენტის დაბრუნების პირობა დადეს”, – აცხადებენ მოძრაობაში.
