ნეტგაზეთი | საქართველოს ბანკი აგროსექტორის მხარდაჭერას განაგრძობს საქართველოს ბანკი აგროსექტორის მხარდაჭერას განაგრძობს – Netgazeti
RU | GE  

საქართველოს ბანკი აგროსექტორის მხარდაჭერას განაგრძობს

საქართველოს ბანკი აგროსექტორის წახალისებას განაგრძობს. ამჯერად ბანკის და  კოოპერატივი „ხუცუბნის აგრო-სამრეწველო კომბინატის“  თანამშრომლობით ქალაქ ქობულეთის დაბა ოჩხამურში 1,5 ჰა-ზე მოცვის კიდევ ერთი პლანტაცია გაშენდა.  პროექტის განსახორციელებლად ბანკმა 160,000 ლარის ოდენობის ინვესტიცია გამოყო. ფინანსური რესურსი მოხმარდა შენობის კეთილმოწყობას, წყლის სისტემის მოწესრიგებასა და მიწის დამუშავებას. ასევე, ბიზნესის მხარდაჭერისთვის, სამაცივრე მეურნეობის მოსაწყობად,  ბანკის მხრიდან 20 000 ლარი გამოიყო.  კომბინატს 9-10 ტონამდე მოსავალი მოჰყავს. შავი მოცვის რეალიზაცია ხდება როგორც ადგილობრივ, ისე საექსპორტო ბაზრებზე. პროექტის ჯამური ინვესტიცია 300 000 ლარია. 

„მოხარული ვართ, რომ საქართველოს ბანკის და „კოოპერატივი ხუცუბნის აგრო-სამრეწველო კომბინატის“  პარტნიორობით ქალაქ ქობულეთში მოცვის პლანტაციები გაშენდა. ჩვენთვის მნიშვნელოვანია ადგილობრივი ბიზნესების წახალისება და სწორედ იმ პროექტების მხარდაჭერა, რომლებიც ხელს უწყობს ახალი სამუშაო ადგილების შექმნას. ჩვენ ვაგრძელებთ მსგავსი ინიციატივების მხარდაჭერას, რათა ბიზნესები კიდევ უფრო განვითარდნენ და საკუთარი წვლილი შეიტანონ რეგიონის ეკონომიკურ გაძლიერებაში“, -განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა.

ნეტგაზეთის მასალების სხვა გამოცემებში გადაბეჭდვის წესი
ავტორი