სომხეთმა თელ-ავივიდან საკუთარი ელჩი გაიწვია ისრაელსა და აზერბაიჯანს შორის იარაღით ვაჭრობის შესახებ კონსულტაციებისთვის. ამის შესახებ ინფორმაციას Reuters ავრცელებს.
სომხეთის საგარეო საქმეთა სამინისტროს პრესსპიკერის, ანა ნაღდალიანის განცხადებით, ისრაელის მოქმედებები სომხეთისთვის საზიანოა.
“ისრაელის სამუშაო სტილი სომხეთისთვის მიუღებელია, ამიტომ სამინისტრო იძულებულია, უკან გამოიხმოს საკუთარი ელჩი” ,- განაცხადა მან მედიისთვის გამართულ პრესკონფერენციაზე.
ისრაელის საგარეო საქმეთა სამინისტროს განცხადებით, ისრაელი წუხს სომხეთის მიერ მიღებულ გადაწყეტილებაზე.
“ისრაელი მნიშვნელობას ანიჭებს ჩვენს ურთიერთობებს და ხედავს, რომ სომხეთის საელჩო ისრაელში არის მნიშვნელოვანი ინსტრუმენტი, რათა ჩვენმა [სომხეთ-ისრაელის] ურთიერთობებმა სიკეთე მოუტანოს ორივე ხალხს”, – ნათქვამია სამინისტროს მიერ გავრცელებულ განცხადებაში.
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")