ნეტგაზეთი | თუ სომხეთი აღიარებს ყარაბაღს, გამარჯვებამდე ვიბრძოლებთ – აზერბაიჯანის ელჩი თუ სომხეთი აღიარებს ყარაბაღს, გამარჯვებამდე ვიბრძოლებთ – აზერბაიჯანის ელჩი – Netgazeti
RU | GE  

თუ სომხეთი აღიარებს ყარაბაღს, გამარჯვებამდე ვიბრძოლებთ – აზერბაიჯანის ელჩი

თუკი სომხეთი აღიარებს მთიანი ყარაბაღის დამოუკიდებლობას, მაშინ ომს გავაგრძელებთ გამარჯვებამდე – აცხადებს ტელეკომპანია დოჟდის პირდაპირ ეთერში აზერბაიჯანის სრულუფლებიანი ელჩი რუსეთის ფედერაციაში.

ფოლად ბულბულოღლის განცხადებით, სომხეთი ამ შემთხვევაში უკანასკნელ ხიდსაც დაწვავს.

“კონფლიქტი ორ ქვეყანას შორის მიმდინარეობს იმის გამო, რომ სომხეთს არ უნდა აღიაროს, რომ მთიანი ყარაბაღი არის აზერბაიჯანის ტერიტორია და მიიჩნევს მას, როგორც თვითგამოცხადებულ რესპუბლიკას”, – აცხადებს იგი.

აზერბაიჯანის ელჩის განცხადებით, აზერბაიჯანის მიზანი არ არის მთიანი ყარაბაღიდან ადგილობრივი მოსახლეობის განდევნა.

“ასეთი მიზანი არ არსებობს, აზერბაიჯანის მიზანია აზერბაიჯანელების დაბრუნება საკუთარ მიწებზე, სადაც საუკუნეების მანძილზე ცხოვრობდნენ” ,- დასძინა მან.

27 სექტემბრის დილიდან მთიან ყარაბაღში სამხედრო შეტაკებები ისევ განახლდა. სომხეთსა და აზერბაიჯანში საომარი მდგომარეობაა გამოცხადებული. მხარეები მსხვერპლზე საუბრობენ და სამხედრო მოქმედებების განახლებაში კვლავ ერთმანეთს ადანაშაულებენ. შეტაკებები გრძელდება.

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის 01 ოქტომბრიდან მობ: +995 574131276; ელ-ფოსტა: zmenaghare@gmail.com