ნეტგაზეთი | “ღირსეული პარტნიორი 2020”: სად და როდის ჩატარდება სამხედრო სწავლება “ღირსეული პარტნიორი 2020”: სად და როდის ჩატარდება სამხედრო სწავლება – Netgazeti
RU | GE  

“ღირსეული პარტნიორი 2020”: სად და როდის ჩატარდება სამხედრო სწავლება

მრავალეროვნული სწავლება “ღირსეული პარტნიორი 2020” სექტემბერში დაიწყება და WHO-სა და ქართველი ეპიდემიოლოგების რეკომენდაციების დაცვით ჩატარდება. აღნიშნულის შესახებ თავდაცვის სამინისტროში გამართულ საინფორმაციო ბრიფინგზე ისაუბრეს.

სამინისტროს თანახმად, სწავლება 7-18 სექტემბერს ვაზიანის სამხედრო აეროდრომზე, ვაზიანის პოლიგონსა და ნორიოს საწვრთნელ ბაზაზე გაიმართება. ღონისძიებაში, ჯამში, 2700 სამხედრო მოსამსახურე მიიღებს მონაწილეობას საქართველოდან, აშშ-დან, დიდი ბრიტანეთიდან, პოლონეთიდან და საფრანგეთიდან. საქართველოს თავდაცვის ძალების შეიარაღებაში არსებული ჯავშანტექნიკისა და არტილერიის გარდა, პროცესში აშშ-ის საფრენი საშუალებები და ჯავშანტექნიკაც ჩაერთვება.

“სწავლება არის თავდაცვით ოპერაციებზე ორიენტირებული,სტრატეგიული ხასიათის და მისი მთავარი მიზანია საქართველოს, აშშ-ის, ნატოს წევრი და ჩვენი პარტნიორი  ქვეყნების მზადყოფნის, ურთიერთთავსებადობის ამაღლება; ასევე, შავი ზღვის რეგიონის უსაფრთხოების შენარჩუნება და მხარდაჭერა”, – აღნიშნა სწავლების ხელმძღვანელმა, პოლკოვნიკმა როლანდ ძნელაძემ ბრიფინგზე.

მისივე თქმით, უწყებამ ეპიდემიოლოგთა რეკომენდაციები გაითვალისწინა და სწავლება “აბსოლუტურად უსაფრთხო პირობებსა და გარემოში” ჩატარდება.

მრავალეროვნული სწავლება საქართველოში უკვე მეხუთედ ტარდება.

ნეტგაზეთის მასალების სხვა გამოცემებში გადაბეჭდვის წესი
ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან