თბილისში, თემქაზე ავტომანქანა ქვეითს დაეჯახა, რის შედეგადაც ქვეითი გარდაიცვალა. ინფორმაციას ამის შესახებ შინაგან საქმეთა სამინისტროში და სასწრაფოში ადასტურებენ.

სასწრაფოს ინფორმაციით, ავტოავარიის შედეგად 60 წლამდე ასაკის მამაკაცი ადგილზე გარდაიცვალა.

შსს-ს ცნობით, გამოძიება აღნიშნულ საქმეზე სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.