მარნეულის მუნიციპალიტეტში, სოფელ ქირაჩ-მუნღალოში კორონავირუსის ორი ახალი შემთხვევა გამოვლინდა. ინფორმაცია ნეტგაზეთს მარნეულის მუნიციპალიტეტში დაუდასტურეს.
მარნეულის მერის პირველი მოადგილის, ზაურ ტაბატაძის თქმით, Covid 19 წითელი ხიდის საბაჟო გამშვები პუნქტის თანამშრომლებს გამოუვლინდათ.
საქართველოში 8 ივნისის საღამოს [20:07 საათის] მონაცემებით, კორონავირუსის 812 შემთხვევაა გამოვლენილი. აქედან 683 გამოჯანმრთელდა, ხოლო 13 გარდაიცვალა.
