ქვემო ქართლში, სოფელ ქვემო ბოლნისში მკვლელობა მოხდა. ეს ინფორმაცია „ნეტგაზეთს“ შსს-ში დაუდასტურეს.
როგორც უწყებაში აცხადებენ, ამჟამად მიმდინარეობს გამოძიება საქართველოს სისხლის სამართლის კოდექსის 108-ე მუხლით, რაც განზრახ მკვლელობას გულისხმობს.
რაც შეეხება სხვა დეტალებს, შსს-ში ამბობენ, რომ მიმდინარეობს საგამოძიებო მოქმედებები.
ჯერჯერობით, მომხდართან დაკავშირებული სხვა დეტალები უცნობია.
