ნეტგაზეთი | ბჟანია და ბიბილოვი 24 ივნისს მოსკოვში 9 მაისის აღლუმს დაესწრებიან ბჟანია და ბიბილოვი 24 ივნისს მოსკოვში 9 მაისის აღლუმს დაესწრებიან – Netgazeti
RU | GE  

ბჟანია და ბიბილოვი 24 ივნისს მოსკოვში 9 მაისის აღლუმს დაესწრებიან

დე ფაქტო აფხაზეთისა და სამხრეთ ოსეთის ლიდერები, ასლან ბჟანია და ანატოლი ბიბილოვი 24 ივნისს მოსკოვში 9 მაისისთვის მიძღვნილ სამხედრო აღლუმს დაესწრებიან.

ბჟანიას და ბიბილოვის მოსკოვში აღლუმზე დასწრების შესახებ ინფორმაციას აფხაზური და ოსური სააგენტოები ავრცელებენ.

ოსური მედიის ინფორმაციით, 24 ივნისს სამხედრო აღლუმის ჩატარება იგეგმება ცხინვალშიც.


24 ივნისს სამხედრო აღლუმი მოსკოვში რუსეთის ფედერაციის პრეზიდენტმა, ვლადიმერ პუტინმა დააანონსა მას შემდეგ, რაც კორონავირუსისი პანდემიის გამო მაისში ჩასატარებელი ღონისძიებები გაუქმდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: realnikaburduli@gmail.com