გარდაიცვალა როკ-ენ-როლის ჟანრის მომღერალი, ლიტლ რიჩარდი. იგი 87 წლის იყო. BBC-ის ცნობით, მისი ოჯახი ამ ინფორმაციას ადასტურებს.
ლიტლ რიჩარდმა არაერთ ცნობილ არტისტზე მოახდინა გავლენა — The Beatles, ელტონ ჯონ და ელვის პრესლი მას ხშირად ახსენებდნენ.
1958 წელს, რიჩარდის მიერ შესრულებულმა სიმღერამ Good Golly Miss Molly-მ გაერთიანებული სამეფოს ჩარტებში პირველი ადგილი დაიკავა.
ლიტლ რიჩარდი, რომლის დაბადების სახელიც რიჩარდ უეინ პენიმანი იყო, 1986 წელს გახდა ერთ-ერთი პირველი, ვინც როკ-ენ-როლის დიდების დარბაზში შეიყვანეს.
მუსიკოსმა კარიერის განმავლობაში 30 მილიონი ცანაწერი გაყიდა და თავისი არაორდინალური პერფომანსებით იყო ცნობილი.
რიჩარდის ბას-გიტარისსტის, ჩარლზ გლენის ცნობით რიჩარდი 2 თვის განმავლობაში ავადმყოფობდა და ტენესის შტატში, თავის სახლში, ძმასთან, დასთან და შვილთან იმყოფებოდა.
გარეკანის ფოტო: EPA