ენმ ამ ფაქტთან დაკავშირებით სპეციალურ განცხადებას ავრცელებს, სადაც ნათქვამია, რომ პარტიის წარმომადგენლების მიერ გამოფენილი ბანერი სიტყვისა და აზრის გამოხატვის თავისუფლებაა და ამ მიზეზით მათი დაკავება კანონის უხეში დარღვევა.
შსს-ს განცხადებით კი, დაკავებულების პარტიული კუთვნილების შესახებ ინფორმაცია ჯერ არ დასტურდება. მიმდინარეობს ადმინისტრაციულ სამართალდარღვევის ფაქტის გამოძიება.
”ჯერჯერობით გამოძიება ადგენს, არიან თუ არა ეს ადამიანები ნაციონალური მოძრაობის აქტივისტები. საცხოვრებელი კორპუსის სახურავზე 3-მა პიროვნებამ ბანერი უკანონოდ დაამაგრა. ისინი დააკავეს იმის გამო, რომ მათ კანონი დაარღვიეს. გამოძიება დაიწყო ადმინისტრაციულ სამართალდარღვევის კოდექსის 150-ე მუხლით, რაც თვითმმართველი ორგანოს იერსახის დამახინჯებას ითვალისწინებს და ასეთ დანაშაულისათვის ჯარიმა 30 ლარია,”- აცხადებენ შსს-ს პრეს სამსახურში.
ამ დროისათვის ოზურგეთში იმყოფება საქართველოს პრემიერ-მინისტრი ირაკლი ღარიბაშვილი.
