გამოცემის ინფორმაციით, აგვისტოს დასაწყისისთვის დაგეგმილი იყო აფხაზეთის 2015 წლის დაფინანსება 3,736 მილიარდი რუბლით [58 41288.30 აშშ დოლარი], თუმცა დაფინანსებამ მხოლოდ 127 მილიონი რუბლი [1985662.78 აშშ დოლარი] შეადგინა.

აფხაზეთის ეკონომიკის სამინისტროს მიერ მოწოდებული მონაცემებით ირკვევა, რომ 2015 წელს აფხაზეთმა სახელმწიფო ბიუჯეტიდან 2 მილიარდი რუბლის ოდენობის ის სახელმწიფო კრედიტი უნდა დაფაროს, რომელიც მან 2010 წელს რკინიგზის რეკონსტრუქციისთვის აიღო.

“მხოლოდ 2016 წელს უნდა დავფაროთ 300 მილიონი რუბლზე მეტი”, – განუცხადეს ინტერფაქსს. წყაროს განმარტებითვე, კრედიტის ეკონომიკური დასაბუთება იყო რკინიგზის აღდგენა რუსეთში ინერტული მასალების მისაწოდებლად.

“2010-2014 წლებში აფხაზეთმა რუსეთის ბაზარზე 3 მილიონი ტონა ინტერტული მასალა გაიტანა, რკინიგზის ექსპლუატაციით მიღებული შემოსავალი კი, მხოლოდ 31 მილიონი რუბლი იყო”.

ამასთან დაკავშირებით რუსული მხარის კომენტარი გამოცემამ ვერ მოიპოვა.

	მასალა მომზადებულია პროექტ “სამხრეთ კავკასიის ამბების” ფარგლებში ჰაინრიჰ ბიოლის ფონდის    მხარდაჭერით. პროექტის ფარგლებში მომზადებული ტექსტები შეიცავს იმ ტერმინოლოგიას, რომელიც  აფხაზეთის, სამხრეთ ოსეთის და მთიანი ყარაბაღის თვითაღიარებულ რესპუბლიკებში გამოიყენება. მასალებში  გამოთქმული მოსაზრებები შესაძლოა არ ემთხვეოდეს ჰაინრიჰ ბიოლის ფონდის და ნეტგაზეთის პოზიციას.