ნეტგაზეთი | განათლების სამინისტრო ამ ეტაპზე სწავლის 3 აპრილამდე გადადებას არ ადასტურებს განათლების სამინისტრო ამ ეტაპზე სწავლის 3 აპრილამდე გადადებას არ ადასტურებს – Netgazeti
RU | GE  

განათლების სამინისტრო ამ ეტაპზე სწავლის 3 აპრილამდე გადადებას არ ადასტურებს

განათლების სამინისტროს ინფორმაციით, ჯერჯერობით უწყებას არ მიუღია ინფორმაცია, სკოლებში არდადეგების გახანგრძლივებასთან დაკავშირებით.

უწყება არ ადასტურებს ინფორმაციას, რომლის თანახმადაც, სწავლა კორონავირუსის ახალი ტიპის გავრცელების გამო 3 აპრილამდე გადაიდო.

სამინისტროში ამბობენ, რომ მათი სამომავლო გეგმა დამოკიდებულია ჯანდაცვის სამინისტროსა და დაავადებათა კონრტოლის ეროვნული ცენტრის შეფასებებზე. იმ შემთხვევაში, თუ ოფიციალური უწყებები მსგავსი რეკომენდაციას გასცემენ, სწავლა გადაიდება, თუმცა, ამ დრომდე ეს გადაწყვეტილება არ არსებობს.

29 თებერვალს, სამინისტრომ თქვა, რომ სკოლებში არდადეგები 9 მარტის ნაცვლად 2 მარტს დაიწყება და 16 მარტამდე გასტანს. ეს გადაწყვეტილება კორონავირუსთან დაკავშირებით შექმნილი უწყებათაშორისი საკოორდინაციო საბჭოზე მიიღეს.

ამჟამად საქართველოში კორონავირუსის დადასტურებული 15 შემთხვევა ფიქსირდება.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან