ახალი ამბები

მიკროფონი ღრუბლის გარეშე და სხვა რეკომენდაციები მედიას

5 მარტი, 2020 • 1325
მიკროფონი ღრუბლის გარეშე და სხვა რეკომენდაციები მედიას

კორონავირუსის გავრცელებასთან დაკავშირებით, ჯანდაცვის სამინისტრო მედიის წარმომადგენლებისთვის სპეციალურ რეკომენდაციებს ავრცელებს.

რჩევებს შორის, არის რესპონდენტთან 1 – 1.5-მეტრიანი დისტანციის შენარჩუნება და მიკროფონებისთვის ღრუბლების მოშორება.

რეკომენდაციათა სრული სია გამოიყურება ასე:

ახალ კორონავირუსთან (COVID-19) დაკავშირებული მიმდინარე მოვლენების და/ან შესაძლო დაინფიცირებული შემთხვევის გაშუქების დროს  ჟურნალისტებმა/მედიის წარმომადგენლებმა უნდა გაითავლისწინონ და დაიცვან მარტივი რეკომენდაციები:

ა) შესაძლო ინფიცირებულ ადამიანთან ახლო კონტაქტისგან  თავის არიდება სამედიცინო ნიღბის გამოყენების გარეშე.  

ბ) შესაძლო დაინფიცირებული შემთხვევის გაშუქებისას ინტერვიუს წარმოება მიკროფონის დამჭერი გრძელი ჯოხით. 

გ) ინტერვიუს დროს მიკროფონის გამოყენება ღრუბლის გარეშე. დასრულებისთანავე მიკროფონის მთლიან კორპუსს უნდა ჩაუტარდეს დეზინფექცია. 

) უსაფრთხო დისტანციის შენარჩუნება –  არანაკლებ 1-1.5 მეტრი მანძილი ჟურნალისტსა და  რესპონდენტებს შორის, განსაკუთრებით იმ პირებთან, რომლებიც ახველებენ,  აცემინებენ ან/და მაღალი სიცხე აქვთ. რესპირაციული ინფექციით ინფიცირებული  ადამიანი, მათ შორის ახალი COVID-19 ინფექციით, ხველისა და ცემინების დროს ავრცელებს ვირუსის შემცველ წვეთებს, ახლო მანძილზე, შესაძლებელია მოხდეს ვირუსის ჩასუნთქვა. 

ე) სამუშაო პროცისის დასრულებისთანავე რეკომენდებულია ნიღბის მოხსნა, წინა ზედაპირის შეხების გარეშე და გადაგდება სანაგვე ყუთში. 

) სველი წესით გაწმენდა და დეზინფექციის ჩატარება იმ ნივთებისთვის,  რომელთაც მუშაობის პროცესში ჟურნალისტები ხშირად ეხებიან (ჯერჯერობით ცნობილი არ არის, თუ რამდენ ხანს ინარჩუნებს ვისური სიცოცხლისუნარიანობას სხვადასხვა ზედაპირზე, თუმცა, არსებულ მონაცემებზე დაყრდნობით – რამდენიმე საათს). 

ზ) ახალი კორონავირუსისგან თავის დასაცავად საჭიროა დაცული იყოს გრიპისა და სხვა რესპირაციული დაავადებების პრევენციის ზოგად რეკომენდაციები: 

  • ხელის ხშირი დაბანა, არანაკლებ 20 წამის განმავლობაში საპნითა და წყლით, ან ხელის დაიმუშავება სპირტის შემცველი ხსნარით. 
  • დაუშვებელია  თვალების, ცხვირსა და პირის ღრუს დაუბანელი ხელით შეხება.

მასალების გადაბეჭდვის წესი