ისრაელში ფეხბურთის ერთ-ერთ მატჩზე გასულ კვირას დამსწრე ათობით ადამიანს მთავრობა თვითიზოლაციისკენ მოუწოდებს.
ამის მიზეზი კი მატჩზე დამსწრე ერთ-ერთი გულშემატკივრისთვის კორონავირუსის დადგენა გახდა. აღნიშნულის შესახებ ინფორმაციას BBC ავრცელებს.
“ის ამჟამად თვითიზოლაციაში იმყოფება საკუთარ ოთახში და არ აქვს კონტაქტი ოჯახის სხვა წევრებთან”, – განაცხადა ბიჭის დედამ.
ისრაელის ჯანდაცვის სამინისტრომ თავდაპირველად მატჩზე მყოფი ათასობით ქომაგის კარანტინში გადაყვანა მოითხოვა, თუმცა რაოდენობა პროტესტის გამო შეამცირა.
მსოფლიო ჯანდაცვის ორგანიზაციის 4 მარტის მონაცემების მიხედვით ისრაელში დაფიქსირებულია ახალი კორონავირუსის 12 შემთხვევა. ხოლო გარდაცვალების შემთხვევა არ ფიქსირდება.