გარდაბნის მუნიციპალიტეტის სოფელ ყარაჯალარში ტაქსის მძღოლი მოკლეს, მისი მანქანა კი დაწვეს. ინფორმაციას ამის შესახებ შინაგან საქმეთა სამინისტროში ადასტურებენ.
შინაგან საქმეთა სამინისტროს ინფორმაციით, გამოძიება აღნიშნულ ფაქტზე სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს და ისჯება 7-დან 15 წლამდე პატიმრობით. მათივე ინფორმაციით, ამ ეტაპზე აღნიშნულ ფაქტზე დაკავებული არავინაა.
დამწვარი მანქანა “მთავარმა არხმა” გადაიღო.