ახალი ამბები

სუვერენული ქვეყნის საქმიანობაში ჩარევა არაა მიზანშეწონილი – დეპუტატი კონგრესმენებზე

12 თებერვალი, 2020 • 2756
სუვერენული ქვეყნის საქმიანობაში ჩარევა არაა მიზანშეწონილი – დეპუტატი კონგრესმენებზე

საპარლამენტო უმრავლესობის წევრი კობა ლურსმანაშვილი საერთაშორისო პარტნიორების კრიტიკის საპასუხოდ აცხადებს, რომ ასეთი ინტენსივობით სუვერენული ქვეყნის საქმიანობაში ჩარევა მიზანშეწონილი არ არის.

“ზოგიერთი კონგრესმენის მხრიდან შეშფოთება პირადად ჩემთვისაც არის შემაშფოთებელი, როდესაც ხშირ შემთხვევაში უსაფუძვლოდ გამოიხატება მათი კრიტიკა ჩვენს ქვეყანაში არსებულ მზარდ დემოკრატიასთან თუ ეკონომიკურ სვლასთან მიმართებაში. ვფიქრობ, რომ სუვერენული ქვეყნის საქმიანობაში ჩარევა ასეთი ინტენსივობით არ არის მიზანშეწონილი. მე, როგორც საქართველოს პარლამენტის წევრს, უფლება მაქვს კონსტიტუციით მონიჭებული, ჩემი უფლებებიდან გამომდინარე მივიღო გადაწყვეტილებები საარჩევნო სისტემებთან დაკავშირებით” ,- განაცხადა ლურსმანაშვილმა.

მან ოპონენტებს მოუწოდა, საზღვარგარეთ საქართველოს მეგობართა ჯგუფებს, ევროკავშირს, აშშ-ის კონგრესს სწორი ინფორმაცია მიაწოდონ, “რადგან ტყუილს მოკლე ფეხები აქვს”.

მასალების გადაბეჭდვის წესი