სამოქალაქო აქტივისტი რაშან ზიადალიევი ბოლნისის რაიონული სასამართლოს მოსამართლის, პაატა ფხალაძის გადაწყვეტილებით წარდგენილ ბრალდებაში გამართლდა. ამის შესახებ ინფორმაციას საქართველოს დემოკრატიული ინიციატივის იურისტი, ედუარდ მარიკაშვილი ავრცელებს.
“მოსამართლემ განმარტა:
– პირის იდენტიფიკაცია დაუშვებელია მხოლოდ იმ საფუძვლით, რომ ის გადაადგილდება ღამით მარტო და პოლიციას ამისთვის მნიშვნელოვანი საფუძველი უნდა ჰქონდეს.
– ორი პოლიციელის ჩვენება არ არის საკმარისი მსგავს სისხლისსამართლებრივ ბრალდების ტოლფას საქმეებზე გამამტყუნებელი განაჩენისთვის. რომ ამ დროს საქმეში აუცილებლად უნდა არსებობდეს ნეიტრალური მტკიცებულება, სხვა შემთხვევაში ყოველგვარი ეჭვი ბრალდებულის სასარგებლოდ უნდა გადაწყდეს”, – წერს მარიკაშვილი სოციალურ პოსტში.
რაშან ზიადალიევი პოლიციამ ადმინისტრაციული წესით 9 თებერვალს დააკავა. მას პოლიცია ადმინისტრაციულ სამართალდარღვევათა კოდექსის 173-ე მუხლის დარღვევას ედავებოდა, რაც პოლიციისადმი დაუმორჩილებლობას ნიშნავს და 1 000 ლარიდან 4 000 ლარამდე ოდენობით ჯარიმას ან 15 დღემდე ადმინისტრაციულ პატიმრობას ითვალისწინებს