ახალი ამბები

აშშ-ის საელჩოს განცხადება უგულავას განაჩენზე

11 თებერვალი, 2020 • 1355
აშშ-ის საელჩოს განცხადება უგულავას განაჩენზე

“ევროპული საქართველოს” ერთ-ერთი ლიდერის, გიგი უგულავას დაკავებასა და  დიალოგის შეწყვეტას ხელისუფლებასა და ოპოზიციას შორის საქართველოში აშშ-ის საელჩო ეხმაურება. სალჩოს თანახმად, იმედგაცრუებულნი არიან, რომ უგულავას დაკავების კონტექტსით მიმდინარე დიალოგი რისკის ქვეშ დგება:

“აშშ-ის საელჩო მხარს უჭერს საქართველოს მმართველ პარტიასა და ოპოზიციის წარმომადგენლებს შორის პოლიტიკურ დიალოგს, რომლის მიზანიც არის ისეთ საარჩევნო სისტემაზე შეთანხმება, რომელიც საუკეთესოდ ემსახურება ქართველ ხალხს. აშშ-ის საელჩო იმედგაცრუებულია იმით, რომ ოპოზიციის ლიდერის მიმართ გუშინ გამოტანილი განაჩენისა და თავისუფლების აღკვეთის დრო და კონტექსტი დიალოგს რისკის ქვეშ აყენებს.

დიალოგის წარმატებულად გაგრძელებისთვის ხელშემწყობი გარემო მოითხოვს დამოუკიდებელ, გამჭვირვალე სასამართლო სისტემას, რომელიც თავისუფალია პოლიტიკური ზეგავლენისგან. ჩვენ მოვუწოდებთ ყველა მხარეს, დარჩნენ პოლიტიკური დიალოგისა და საარჩევნო კოდექსის შემდგომი დახვეწის ერთგულნი, რაც არის საუკეთესო გზა, შეიქმნას პირობები თავისუფალი და სამართლიანი არჩევნების ჩასატარებლად”,-წერია განცხადებაში. 

მასალების გადაბეჭდვის წესი