შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის თანამშრომლებმა, ოპერატიულ -სამძებრო და საგამოძიებო მოქმედებების შედეგად, ოჯახში ძალადობისა და თვითმკვლელობამდე მიყვანის ბრალდებით, 1987 წელს დაბადებული ბ. ს. დააკავეს.
შსს-ს ცნობით, გამოძიება ოჯახში ძალადობისა და თვითმკვლელობამდე მიყვანის ფაქტებზე, საქართველოს სისხლის სამართლის კოდექსის 126-ე პრიმა მუხლის 1-ლი ნაწილით და 115- ე მუხლის 1-ლი ნაწილით მიმდინარეობს.
სამეგრელოს ერთ-ერთ სოფელში ახალგაზრდა ქალი იპოვეს მკვდარი.
შსს-ში ნეტგაზეთს უთხრეს, რომ გამოძიება თვითმკვლელობამდე მიყვანის მუხლით დაიწყო, თუმცა სუიციდის ვერსიის არ სჯერათ გარდაცვლილის ნათესავებს. ისინი ოჯახში ძალადობაზე საუბრობენ.
“თავზე ჩალურჯებები აქვს, ზურგზე დარტყმული აქვს”, – ამბობს გარდაცვლილის ძმა “მთავარ არხსთან”.
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")
