როგორ სურსათის ეროვნული სააგენტოს მიერ გავრცელებულ განცხადებაში წერია, დარღვევები აღმოჩენილია რუსთავში, ლეონიძისა და მესხიშვილის ქუჩების კვეთაზე მდებარე ი. მ “ილგარ მამედოვისა” და გარდაბანში, აღმაშენებლის 48-ში მდებარე ი. მ “რამინ მამედოვის” საშაურმეებში.
განცხადების თანახმად, სააგენტომ ინფორმაცია 10 ადამაინის მოწამვლის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრიდან მიიღო. შაურმის ნიმუშების ლაბორატორიული კვლევის შედეგად დადგინდა მეზოფილურ-აერობული, ფაკულტატურ-ანაერობული მიკროორგანიზმების, ნაწლავის ჩხირის ჯგუფის ბაქტერიების, აურეუსისა და პათოგენური მიკროორგანიზმის – ლისტერია მონოციტოგენეზის არსებობა.
სურსათის ეროვნული სააგენტოს ცნობით, აღნიშნული დარღვევების გამო სააგენტო ი.მ „ილგარ მამედოვისა“ და ი.მ „რამინ მამედოვის“ საშაურმეებში არაგეგმურ ინსპექტირებას განახორციელებს.
