“აქციის მთავარი მიზანია მოთხოვნა – არ დაიჭირო. ჩვენ მოვუწოდებთ ხელისუფლებას, რომ შეწყვიტონ ადამიანების დაჭერა მარიხუანის მოხმარების გამო. ასევე მხარს ვუჭერთ იმ კანონპროექტს, რომელიც შეტანილია პარლამენტში, რომელიც ითვალისწინებს სისხლის სამართლებრივი დევნის გაუქმებას მარიხუანის მოხმარების გამო” -აცხადებს მოძრაობა 2.06-ის ერთ-ერთი დამფუძნებელი ლექსო მაჭავარიანი.

მწერალი ტორესა მოსი, რომელიც ასევე მოძრაობა 2.06 ერთ-ერთი დამფუძნებელია, “ნეტგაზეთთან” საუბარში აცხადებს, რომ ამ კანონპროექტის განხილვაში მოძრაობა აქტიურ მონაწილეობას მიიღებს:

“იმედი გვაქვს, რომ წელს მაინც მივაღწევთ მარიხუანის მოხმარების დეკრიმინალიზაციას,”- ამბობს ის.