პოლიციელი გაუპატიურების ბრალდებით დააკავეს

პროკურატურის ინფორმაციით, ჩხოროწყუში პოლიციის თანამშრომელი გაუპატიურების ბრალდებით არის დაკავებული.

როგორც ნეტგაზეთს პროკურატურაში უთხრეს, მას ბრალი რამდენიმე საათში წარედგინება:

“დაკავებულია სასამართლოს განჩინებით, კანონით გათვალისწინებულ ვადებში წარედგინება ბრალი.”

გამოძიება სსკ-ის 137-ე მუხლის (გაუპატურება) პირველი ნაწილით მიმდინარეობს.

“მთავრი არხისთვის” მიცემულ ინტერვიუში კაცი ყვება რომ პოლიცელმა ის გააუპატიურა. მისივე თქმით, პოლიციელი გაუპატიურების შემდეგ მას ემუქრებოდა: “მეუბნებოდა რომ თუ ამ თემაზე ხმას ამოვიღებდი, ამას ძალიან ცუდი ამბავი მოჰყვებოდა.”

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.