ორივე მხრიდან ჩაკბეჩილი ვაშლი და წარწერა: „ასე გამოიყურება უკრაინა რუკაზე ყირიმის გარეშე“, — ასე გამოეხმაურა უკრაინული პარტია „ხმა“ (Голос) ამერიკული კომპანია Apple-ის გადაწყვეტილებას, თავიანთ რუკაზე რუსეთს მიათვალონ ანექსირებული ყირიმი.
„Apple, ყირიმი უკრაინაა“, — წერს პარტია.
რამდენიმე დღის წინ ეპლმა მიიღო გადაწყვეტილება, რომლის შემდეგაც კომპანიის რუსეთში მყოფი მომხმარებლები რუკების, ამინდისა და სხვა აპლიკაციებში ანექსირებულ ყირიმს რუსეთის ნაწილად ხედავენ.
ევროკავშირსა და აშშ-ს სანქციები აქვთ დაწესებული რუსეთისთვის უკრაინის ტერიტორიული მთლიანობის ხელყოფის გამო.