აქტივისტები საქართველოს შინაგან საქმეთა სამინისტროსთან მივიდნენ და შეშა მიიტანეს. როგორც ისინი ამბობენ, ამ გზით პოლიციის მიერ რუსთაველის გამზირზე შეკრებილთათვის შეშის წართმევის პრაქტიკას აპროტესტებენ.
როგორც აქციის მონაწილეები ამბობენ, შსს-ს განცხადებითაც მიმართავენ, რომ გამოძიება დაიწყონ, “რათა შეშა ისეთი საშიში მიზნებისთვის არ იქნას გამოყენებული, როგორც ადამიანის გათბობაა”.
აქციის მონაწილეებს ადგილზე დაცვის სამსახურისა და პოლიციის თანამშრომლები დახვდათ, რომლებიც შსს-ს კანცელარიაში არ შეუშვეს. მოგვიანებით აქციის მონაწილეებმა შსს-ს ღობეს სიმბოლურად ბოქლომიც დაადეს:
“წარმოუდგენელი ფაქტის წინაშე დავდექით, როდესაც ადამიანებს ეზღუდებათ შესვლა და განცხადების ჩაბარება და მიმართვა შსს-სთვის” ,- ამბობს ზვიად კუპრავა.