ახალი ამბები

პანკისში ერთი ადამიანი მოკლეს, არიან დაჭრილებიც

27 ნოემბერი, 2019 • 865
პანკისში ერთი ადამიანი მოკლეს, არიან დაჭრილებიც

პანკისის ხეობაში სოფელ საკობიანოში მომხდარი დაპირისპირების შედეგად 1 ადამიანი მოკლეს. დაშავებულია 3 ადამიანი, რომლებიც საავადმყოფოში გადაიყვანეს.

შსს-ს ინფორმაციით, გამოძიება დაწყებულია განზრახ მკვლელობის მუხლით. დაკავებული არავინაა.

მოკლულია ვისური მუთოშვილი.

ნეტგაზეთი ესაუბრა გარდაცვლილის ერთ-ერთ ნათესავს, რომელიც მომხდარს ხეობაში დაგეგმილ ჰესის მშნებლობას უკავშირებს. მისი თქმით, დაპირისპირება დიდი ხანია არსებობს. მისივე ცნობით, გარდაცვლილი ხეობაში ჰესის აქტიური მოწინააღმდეგე იყო, ხოლო კონფლიქტის მეორე მხარეს მდგომი ადამიანები – მომხრეები.

შსს-ში მომხდარის თაობაზე ჯერჯერობით ინფორმაციას არ ფლობენ.

მასალების გადაბეჭდვის წესი