ქარელის მუნიციპალიტეტში, ძამის ხეობაში ხანძარია. როგორც “ნეტგაზეთს” საგანგებო სიტუაციების მართვის სამსახურში განუცხადეს, ცეცხლი ბალახს უკიდია.
საგანგებოში აცხადებენ, რომ ამ დროისთვის ადგილზე 25 მეხანძრე-მაშველი მუშაობს, სიტუაცია კონტროლს ექვემდებარება და ცეცხლის გავრცელების საფრთხე არ არსებობს.
საგანგებო სიტუაციების სამსახურის თქმით, მიმდინარეობს ხანძრის სალიკვიდაციო სამუშაოები.
